Соңғы үш айда неке қиған жастардың саны 26 мыңнан асты.
Ұлттық статистика бюросының дерегінше, соңғы үш айда неке қиған жастар көп. Олардың саны 26 мыңнан асып жығылады, деп хабарлайды 31 арнаның Информбюро ақпараттық бағдарламасы.
Жалпы, қаңтардан бері Қазақстанда адам саны 62 мыңға көбейіп, 20 миллионнан асты. Оның ішінде 12 жарым миллионы – қала тұрғыны, ал 7 жарым миллионы – ауыл халқы. Ал биыл 91 мың сәби дүниеге келсе, 33 мың адам қайтыс болған. Жалпы туу көрсеткіші бойынша Маңғыстау облысы көш бастап тұр. Одан кейін Түркістан мен Шымкент қаласында туылған бала көп.
Оқи отырыңыз: Қазақстан ажырасу көрсеткіші бойынша әлемде екінші орында тұр
Еске салсақ, Қазақстанда ажырасу көрсеткіші 2024 жылдың басында 1000 адамға шаққанда 4,6-ны құрады.
