Қазақстан халқының саны 19 миллион 766 мың 807 адам болды.
2023 жылғы 1 маусымдағы санақ бойынша, Қазақстан халқының саны 19 миллион 766 мың 807 адамға жетті. Бұл туралы Ұлттық статистика бюросы хабарлады.
"Қала халқына жататын азаматтар саны – 12 209 896, ауыл тұрғындарының саны – 7 556 911. 1 қаңтармен салыстырғанда халық саны 112 196 адамға өсті. Тұрғындар ең көп қоныстанған өңір – Алматы қаласы, мұнда 2 161 902 адам тұрады. Одан кейінгі орында Түркістан облысы – 2 119 226 адам, үшінші орында Алматы облысы – 1 505 896 адам. Астана халық саны бойынша төртінші орында – 1 354 556 адам", – делінген хабарламада.