"Қайырымдылық қорының мүшесімін". Шымкентте 60 дүкеннен ақша ұрлаған алаяқ ұсталды

Шымкентте "қайырымдылық қорының мүшесімін" деп 60 дүкеннен ақша жымқырған алаяқ ұсталды, деп хабарлайды polisia.kz сайты. 

"Абай аудандық полиция бөліміне қайырымдылық қорының өкілі арызданған. Ол өз шағымында қордың атын жамылған белгісіз азаматтың 60 сауда нүктесінде орналасқан жәшіктердегі қаражатты заңсыз жолмен иеленгенін көрсетті. Яғни, ол сатушыларға өзін аталған мекеменің қызметкері ретінде таныстырып, сеніміне кірген соң 300 мың теңгеге жуық ақшаны жымқырған", – делінген хабарламада. 

Шағым түскен сәттен бастап тәртіп сақшылары жедел-іздестіру жұмыстарына кірісті. Іздестіру шараларының нәтижесінде, күдікті жалдамалы пәтердің бірінен ұсталып, қамауға алынған.

---

Оқи отырыңыз: Мектепке жұмысқа тұру – 600 мың теңге. Түркістан облысында алаяқ ұсталды

---

Қазіргі таңда аталған жайт бойынша тергеу амалдары жүргізіліп жатыр.