Кенесары ханның өлімі үшін кешірім сұраған қырғыз әншісін ҰҚК қамауға алды

Қырғызстанның Ұлттық қауіпсіздік комитеті әнші Қайрат Примбердиевті ұлтаралық араздықты қоздыруға бағытталған мәлімдеме жасағаны үшін қамауға алып, оның елден шығуына тыйым салды, деп хабарлады 24.kg. 

Басылымның жазуынша, қазіргі уақытта тиісті тергеу және процессуалдық шаралар жүріп жатыр. Қырғызстанда нәсілдік, ұлттық, ұлттық, діни немесе аймақаралық араздықты қоздыруға бағытталған әрекеттер үшін 10 жылға дейін бас бостандығынан айыру жазасы қарастырылған.

Еске салайық, қырғыз әншісі Қайрат Примбердиевті қазақстандық "Айран медиа" жобасына қатысып, бағдарлама кезінде қазақ ханы Кенесарының басын кескен Ормон хан үшін өз атынан кешірім сұраған болатын.

Кейін Қайрат Примбердиев бұл сұхбат туралы пікірін айтып, кешірімді бүкіл қырғыз халқының емес, жеке өз атынан сұрағанын мәлімдеді. Оның айтуынша, бір сағат уақытқа жуық созылған сұхбатты толық тыңдайтын болса, оның не айтқысы келгені анық болады. 

Оқи отырыңыз: Көшпенділер ойындарына қатысқан қырғыз спортшылары тағы шағымданды. Бұл жолғы себеп – көкпар емес