KASE-де доллар бағамы 2,36 теңгеге төмендеді

Қазақстан қор биржасындағы (KASE) күндізгі сауда қорытындысы бойынша доллардың орташа сараланған бағамы 503,35 теңгені құрады. Бір күнде АҚШ валютасы 2,36 теңгеге арзандады.

Қазақстан Ұлттық банкінің 23 қаңтарға арналған ресми доллар бағамы – 505,71 теңге.

Kurs.kz деректеріне сәйкес, еліміздің ірі қалаларындағы айырбастау пункттерінде доллар бағамы әртүрлі қалыптасты. Атап айтқанда:

• Алматыда долларды сатып алу бағамы орта есеппен 504,09 теңге, сату бағамы 506,36 теңге.
• Астанада америкалық валютаны 503 теңгеден сатып алып, 510 теңгеден сатып жатыр.
• Ал Шымкентте долларды орта есеппен 503,66 теңгеден сатып алып, 505,78 теңгеден сатуда.