Тікелей эфир

iPhone +18 суреттерді көрмек болған балалардың ата-анасына хабарлама жібереді

Messages қосымшасына жалаңаштанған адамның суреті келсе, балаға блюр эффекті қолданылған күйде көрсетіледі.

Apple компаниясы iOS жүйесінің жаңартылғанын және бұдан былай құрылғыларының балалар үшін қауіпсіз бола түскенін хабарлады. Бұл туралы ixbt.com сайты жазды.

"iOS 15.2-де иесінің iPhone немесе iPad арқылы жалаңаштанған адамның суреттерін алғанын немесе біреуге жібергенін білуге болады. Бұл өзгеріс балаларды қаскүнемдерден қорғауға көмектеседі", – делінген хабарламада.

Apple тамыз айында iPhone Messages қосымшасын жалаңаштанған адамдардың суретін анықтау үшін жаңартатынын мәлімдеген болатын. Жуырда Developer Beta 2-де iOS 15.2 қосылды. Messages қосымшасына жалаңаштанған адамның суреті келсе, балаға блюрленген күйде көрсетіледі. Егер суреттің түпнұсқасын көруге тырысса, "Сенімдісіз бе?" деген сұрақ қойылады. Бала суретті көрген жағдайда, ата-анасына хабарлама барады.

Сондай-ақ, бала өзге бір адамға жалаңаштанған адамның суретін жібермек болса да, ата-анасына хабарлама барады. Бастапқыда телефонда бұл қызмет өшіп тұрады. Оны бала мен ата-ана өз қалауынша қоса алады.

Еске салсақ, енді мүгедектік бойынша жәрдемақы алу үшін бір SMS жіберу жеткілікті екені туралы хабарлаған едік. Биыл "Жұмысынан айырылған жағдайда әлеуметтік төлем тағайындау", "Көпбалалы отбасыға жәрдемақы тағайындау" сынды проактив қызметтер іске қосылады.

Бұл мақала сізге пайдалы болды ма?
0

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар
Серіктестер жаңалықтары