Ғылым министрлігі студенттер арасында тіл бойынша кемсітумен күрес бастайды

Ғылым және жоғары білім министрлігі азаматтарды тілдік қағидат бойынша кемсітуге жол бермеу бойынша түсіндіру жұмыстарын жүргізеді. Бұл туралы Үкімет қаулысының жобасында жазылған.

Құжатта бұл толықтыру президент Қасым-Жомарт Тоқаевтың Қазақстан халқы ассамблеясының ХХХІ сессиясында берілген тапсырмаларын орындау аясында енгізілгені жазылған. Сондай-ақ, Ғылым және жоғары білім министрлігіне биылдың соңына дейін этносаралық қатынастар мәселелерін бекіту тапсырылған.

Қаулы жобасы бойынша министрлік жоғары және жоғары оқу орнынан кейінгі білім беру ұйымдарында білім алатын жастар арасында этносаралық келісім мен Қазақстан халқының бірлігі қағидаттарын қалыптастыруға және нығайтуға жәрдемдеседі.

Қаулы жобасы 7 желтоқсанға дейін қоғамдық талқылауға ашық.

---

Оқи отырыңыз:

• Қазақстанның қай өңірінде қанша қазақ бар? Интерактив карта
• Мектеп оқушыларына психолог көмегі не үшін қажет? Министр жауабы

---

Сонымен қатар Оқу-ағарту министрлігінің жұмыстарына да толықтыру енгізіледі. Атап айтқанда министрлікке:

• оқушылардың бойында толеранттылықтың, тұлғааралық және этносаралық коммуникациялардың жоғары мәдениетін қалыптастыруды қамтамасыз ету;
• балалар мен жасөспірімдер арасында профилактикалық шаралар қабылдау және этносаралық қақтығыстарды анықтау;
• оқушылар арасында толерантты этносаралық қатынастарды нығайтуға, оларда инклюзивті және мәдениетаралық өзара іс-қимылды қалыптастыруға бағытталған іс-шараларды ұйымдастыру ұсынылады.

Қаулы жобасы 30 қарашаға дейін қоғамдық талқылауға ашық.