Мектеп оқушыларына психолог көмегі не үшін қажет? Министр жауабы

Оқу-ағарту министрі мектепке психологтардың не үшін қажет екенін түсіндірді.

Педагог-психологтардың толтыратын құжаттарының саны үштен екіге дейін қысқарады, деді оқу-ағарту вице-министрі Ғани Бейсембаев министрліктің аппарат жиналысында. Вице-министр бұл үшін арнайы бұйрық шығарылғанын айтты. 

Оқу-ағарту министрі Асхат Аймағамбетов педагог-психологтардың жұмысы өте маңызды екенін айта келе, оларды өзінің тікелей құзыреттілігіне кірмейтін жұмыстарға тартпау мәселесін қадағалауды тапсырды.

"Психологтардың өзінің тікелей құзыреттілігіне кірмейтін жұмысқа тартпау керек. Қазір психологтардың саны жеткіліксіз. Бірақ балалардың психологтарға деген сенімі күннен-күнге артып келе жатыр", – деді министр.


Оқи отырыңыз:


Асхат Аймағамбетов мектепке психологтардың не үшін қажет екенін түсіндірді.

"Кейбіреулер "Біз мектепте оқығанда ешқандай психолог керек емес еді. Психологтың қандай қажеті бар?" деп жатады. Ол уақыт пен қазіргі заманды салыстыруға болмайды. Қазір балалар да, өскелең ұрпақ та басқа. Сондықтан оларға ата-аналарымен, өздерімен жасты балалармен қарым-қатыснасы бойынша психологтардың көмегі қажет. Психолог тек проблемасы бар балалармен ғана емес, оқу бойынша түрлі қиындықтары бар балалармен де, дарынды балалармен де жұмыс істейді. Сондықтан олардың жұмысы өте маңызды", – деді министр.

Министр сөз соңында әр мектеп директорына психолог жұмысын жеке бақылауында ұстап, қолдауды тапсырды. 

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите её мышью и нажмите Ctrl+Enter

 Если вы нашли ошибку в тексте на смартфоне, выделите её и нажмите на кнопку "Сообщить об ошибке"

Популярное в нашем Telegram-канале

Серіктестер жаңалықтары