Гуанчжоу – Алматы бағытындағы әуе рейсінде жолаушы қайтыс болды

Гуанчжоу – Алматы бағытындағы халықаралық әуе рейсінде жолаушы әйел қаза болды. Бұл туралы ақпаратты көліктегі полиция департаментінің баспасөз қызметі хабарлады.

Әлеуметтік желілерде таратылған деректерде жолаушының бортта жағдайы нашарлап, медициналық көмек көрсетілгенімен, аман қалмағаны айтылады.

"Аталған факті бойынша Алматы қаласы әуежайындағы Линиялық полиция бөлімі қылмыстық іс қозғады. Алдын ала қорытынды бойынша өлім себебі – созылмалы ауру. Қосымша мән-жайлар зерттеліп жатыр", – делінген хабарламада.

Полиция ҚР қылмыстық-процессуалдық кодексінің 201-бабына сәйкес өзге деректер тергеу мүддесіне орай жарияланбайтынын атап өтті.