Еуропа біріншілігі: Қазақстан құрамасының ойындарын Qazaqstan және Qazsport арнасынан көруге болады

Футболдан Қазақстан құрамасының 2024 жылғы Еуропа чемпионатының іріктеу кезеңі аясында Сан-Марино және Словения құрамаларымен кездесуін Qazaqstan және Qazsport телеарналары тікелей эфирде көрсетеді.

Қазақстан құрамасы Сан-Марино құрамасымен 17 қарашада, Словения құрамасымен 20 қарашада кездеседі. 

Еске салайық, қазір Қазақстан құрамасы H тобында 8 ойыннан кейін 15 ұпай жинап, үшінші орында тұр. Алғашқы екі орындағы Словения мен Данияның еншісінде 19 ұпайдан бар.

---

Оқи отырыңыз: 15 қарашада "Медеу" мұз айдынында биылғы сырғанақ маусымы ашылады

---

Алдағы екі ойынға қатысатын ойыншылардың нақты тізімі:

• Қақпашылар: Игорь Шацкий ("Шахтер"), Бекхан Шайзада ("Ордабасы"), Данил Устименко ("Қайрат");
• Қорғаушылар: Сергей Малый, Темірлан Ерланов (екеуі де – "Ордабасы"), Бағдат Қайыров, Руслан Валиуллин (екеуі де – "Тобыл"), Ян Вороговский, Александр Марочкин, Тимур Досмағамбетов (барлығы – "Астана"), Марат Быстров ("Ахмат", Ресей), Әлібек Қасым ("Ақтөбе"), Нұралы Әліп ("Зенит", Ресей), Еркін Тапалов ("Қызылжар"), Лев Скворцов ("Химки", Ресей); 
• Жартылай қорғаушылар: Рамазан Оразов ("Копер", Словения), Максим Самородов, Арман Кеңесов (екеуі де – "Ақтөбе"), Аслан Дарабаев, Абзал Бейсебеков, Исламбек Қуат (барлығы – "Астана"), Александр Зуев (ИМТ, Сербия), Ислам Чесноков ("Тобыл");
• Шабуылшылар: Абат Айымбетов ("Астана"), Вячеслав Швырев ("Қайрат"), Иван Свиридов ("Шахтер").