Бір жылда бұл көрсеткіш 20 пайызға жуық өскен. Бес жылда төменгі күнкөріс сомасы 83,5%, он жылда 2,6 есе артқан, деп хабарлады finprom.kz.
Ерлер арасында 0,5–1 жас аралығындағы балалар үшін көп шығын қажет емес екен. Өйткен, бұл жас санатындағы балалар үшін төменгі күнкөріс деңгейі бар болғаны 28 300 теңге. Ал жоғары сома – 53 700 теңге 14–17 жас аралығындағы балалар үшін есептелген. Зейнеткерлерде – 42 700 теңге.
Әйелдер арасында қалай? 0,5–1 жас аралығындағы қыз балалар үшін төменгі күнкөріс деңгейі – 26 600 теңге. 14–17 жас аралығындағы қыздар үшін 41 200 теңге төменгі күнкөріс деңгейі есептелсе, зейнеткерлер арасындағы көрсеткіш – 36 800 теңге.
Оқи отырыңыз:
- Экономист ең төменгі жалақыны есептеу тәртібі ескіргенін айтты
- АЕК, ЕТЖ және ең төменгі күнкөріс деңгейі артады. 2022 жылы әлеуметтік төлемдер қалай өзгереді?
Қазақстан өңірлері арасында ең сомасы үлкен төменгі күнкөріс деңгейі Маңғыстау облысында тіркелді. Ол 50 200 теңге мәнге ие болып, өткен жылғы көрсеткіштен 24,5% асып түскен. Кейінгі орындарда – Нұр-Сұлтан мен Алматы қалалары, одан соң Шығыс Қазақстан мен Павлодар облыстары тұр.
Ал сомасы ең аз төменгі күнкөріс деңгейі Қызылорда, Ақтөбе және Батыс Қазақстан облыстарында тіркелді.
