Той туралы мониторинг тобына хабар бергендерге сыйақы тағайындалмақ

Мобильді топтың нөмірін жергілікті әкімдік сайтынан алуға болады.

Қазақстанда қатаң шектеулер енгізіліп жатса да, той тыйылар емес. Тіпті жұлдыздардың қатысуымен де мерекелік шаралар жиі ұйымдастырылатын болған. Айыппұл салынса да оңай төлеп, еркін жүретіндер көп. Енді тұрғындар ондай кештің өтетінін алдын ала хабарласа, сыйақы берілуі мүмкін, деп хабарлайды 31-арнаның Информбюро ақпараттық бағдарламасы.

Әнші Қуандық Рахым тойда өнер көрсеткен сәтін бірнеше уақыт өткен соң бөлісіп отырмын деп жариялады. Ал, сол тойдағы жас жұбайлар нақты датасын көрсетіп бөліскен. Алматының бас санитар дәрігерінің орынбасары Сәдуақас Байғабылов мониторингтік топтар заң бұзушылықты көбіне осылай анықтайтынын айтады. Енді жауаптылар денсаулық сақтау министрлігіне арнайы ұсыныс жолдамақ екен. 

"Пандемия кезінде мерекелік шараларды ұйымдастыратындар азаймай тұр. Тіпті, ондай жерлерде әншілердің де жүретінін көрдік. Оларға заң бойынша айыппұл салынып жатыр. Біз қазір той мен адам көп жиналатын шаралар туралы хабарлаған адамға сыйақы беру мәселесін де қарастырып жатырмыз", – деді Алматы қаласы санитариялық-эпидемиологиялық бақылау департаменті басшысының орынбасары Сәдуақас Байғабылов. 

Кез келген тұрғын жергілікті әкімдік сайтынан мониторингтік топтың нөмірін таба алады. 

"Тұрғындар бізге хабарлап, қай жерде мерекелік іс- шаралар өтеді соны айтып отырса, жедел түрде мониторингтік топ сонда барады", – деді Алматы қаласы мониторингтік топ мүшесі Ертай Әлімов. 

Материалдың толық нұсқасын төмендегі видеодан көріңіз:

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары