Бұл жеңілдік мемлекеттік емес музейлерге жасалады.
Қазақстанда мемлекеттік емес музейлер әкелген кезде импорты қосылған құн салығынан босатылатын өнер туындыларының тізбесі бекітіледі. Бұл туралы мәдениет және спорт министрі бұйрығының жобасы Ашық НҚА порталында жарияланды.
Атап айтқанда:
- 100 жылдан асқан картиналар, суреттер, пастельдер мен мозаикалар;
- қолмен боялған немесе безендірілген басқа да дайын бұйымдар, коллаждар және 100 жылдан асқан ұқсас сәндік бейнелер;
- картиналар, суреттер және пастельдер, мозаикалар және басқалар;
- қолмен боялған немесе безендірілген басқа да дайын бұйымдар, коллаждар және ұқсас сәндік бейнелер және басқалар;
- 100 жылдан асқан гравюралардың, басылымдардың және литографтардың түпнұсқалары;
- гравюралардың, басылымдардың және литографтардың түпнұсқалары және басқалар;
- 100 жылдан асқан кез келген материалдан жасалған мүсіндер мен мүсіншелердің түпнұсқалары;
- кез келген материалдан жасалған мүсіндер мен мүсіншелердің түпнұсқалары және басқалар;
- археология, этнография немесе тарих бойынша коллекциялар мен коллекциялық жиынтықтардың импорты қосылған құн салығынан босатылады.
Оқи отырыңыз: Сазгер Еділ Құсайынов: Ұлттық көне музыкалық аспаптардың орны музей болмауы тиіс
Бұйрық жобасы 15 ақпанға дейін қоғам талқысына ашық. Құжат қабылданған жағдайда 2026 жылғы 1 қаңтарға дейін қолданыста болады.
