"Елеусіз қалған Елтаңба". Жетісу сотының бөлім басшысы жазаға тартылды

Жетісу облысы полиция департаментінің баспасөз қызметі Талдықорған қаласындағы Жетісу облыстық сот ғимаратының жанына тасталған Елтаңбаның макеті бойынша әкімшілік іс қозғалғанын хабарлады.

Посмотреть эту публикацию в Instagram

Публикация от 🇰🇿ЖЕТІСУ ОБЛЫСЫНЫҢ ПОЛИЦИЯСЫ (@zhetysu.police)

"Жауапты тұлғалардың әрекеті әкімшілік заңнамада көзделген құқық бұзушылық деп танылғанын хабарлаймыз. Аталған факті бойынша ҚР ӘҚБтК-нің 418-бабының 1-1-бөлігіне сәйкес, облыстық сот әкімшілігінің Инфрақұрылымды дамыту бөлімінің басшысы жауапкершілікке тартылды. Бейне авторына азаматтық ұстанымын белсенді көрсеткені және құқық қорғау органдарына осындай құқық бұзушылықтарды анықтауға көмектескені үшін алғыс білдіреміз", – делінген облыстық полиция департаментінің хабарламасында.

Оқи отырыңыз: Қазақстанда "орақ пен балға" белгісі кей ғимараттар маңдайында неге әлі бар?