Доллар бір теңгеге арзандады.
Қазақстан қор биржасындағы (KASE) күндізгі сауда-саттық қорытындысы бойынша доллар бағамы төмендеді.
Сауда-саттық нәтижесінде АҚШ долларының орташа бағамы 1 теңгеге төмендеп, 473,59 теңгені құрады. Қазақстан Ұлттық банкінің ресми бағамы – 474,63 теңге.
Kurs.kz мәліметінше, Астанадағы ақша айырбастау орындарында доллар 469,00 теңгеден сатып алынып, 476,00 теңгеден сатылып жатыр.
Астанадағы айырбастау пункттерінде:
- доллар – 469,00 / 476,00 теңге;
- еуро – 537,00 / 547,00 теңге;
- рубль – 5,60 / 5,80 теңге.
Ал Алматыдағы ақша айырбастау пункттерінде доллар орта есеппен 472,54 теңгеден сатып алынып, 474,61 теңгеден сатылып жатыр. Сондай-ақ еуро 542,31–547,49 теңге, ал рубль 5,61–5,75 теңге аралығында саудаланып жатыр.