Ол бұған дейін Қазақстан футбол федерациясының бас хатшысы қызметін атқарды.
"Жеңіс" футбол клубы клубтың жаңа бас директоры болып Давид Лорияның тағайындалғанын хабарлады.
"Давид Лория – біздің қаламыздың тумасы, клуб түлегі және "Жеңіс" футбол клубының сапында еліміздің үш дүркін чемпионы. Дәл осы Давид Григорийұлының тікелей атсалысуымен 2021 жылы клубымыздың қайта жаңғыруы басталды. Ол бас директор лауазымында Айдын Қожахметті алмастырады. Ал Айдын Қожахмет "Жеңіс" ФК құрылымында атқарушы директор ретінде жұмысын жалғастырады", – делінген клубтың хабарламасында.
Еске салайық, ол айдың басында Қазақстан футбол федерациясындағы бас хатшы қызметінен кеткенін хабарлаған болатын. Ол мұның себебін федерация президенті Марат Омаровпен пікірлерінің сәйкеспейтінімен түсіндірген болатын.
