Биомедицина ғылымдарының профессоры Сюэ-Цзюнь Лидің бастамасымен зерттеушілер командасы жүйке жүйесі жасушасының жойылуын алдын алды, деп хабарлайды Medical Express.
Ғалымдар мидағы жүйке жасушалары арасында мәлімет тасымалдайтын аксондардың жойылу тәртібін зерттеді. Нәтижесінде ғалымдар жүйке жасушаларының деградациясы митохондрия жұмысымен байланысты деген тоқтамға келді. Митохандрия энергия көзі әрі ол жасушаларды басқарады.
Профессор Лидің командасы тәжірибе жұмысы үшін адамдардың жасушасын пайдаланды. Олар митохондрияның бөліну процесін тежеу арқылы жүйке жүйесі жасушаларын тұрақты түрде өсірді және жойылуын алдын алды.
Бұл ғылыми жаңалық Паркинсон, сал ауруы және жүйке жүйесі ауруларын емдеуге себепші болуы мүмкін.
Алдағы уақытта зерттеушілер митохондрияның жойылуын болдырмау үшін гендік терапия түрін қолданып көрмек.
Еске салсақ, ғалымдардың 10-11 сынып оқулықтарынан жоғары математика элементтерін алып тастауды ұсынғаны туралы хабарлаған едік.
