Цифрлы Қазақстан: Биыл тағы бір құжат цифрлық форматқа ауыстырылады

ҚР Индустрия және инфрақұрылымдық даму министрлігі "Ұлттық ақпараттық технологиялар" АҚ-мен бірлесіп, автокөліктің техникалық байқаудан өткенін куәландыратын құжатты цифрлық форматқа көшіру бойынша жұмысты қолға алды. Бұл туралы ҚР Индустрия және инфрақұрылымдық даму министрлігінің баспасөз қызметі хабарлады.

Енді "Техникалық байқаудың диагностикалық картасы" электронды үкіметтің мобильді қосымшасының жеке кабинетінде сақталатын болады.

"Қазір IT мамандары арнайы сервисті әзірлеп, техникалық жұмыстарды жүргізіп жатыр. Интеграциялық жұмыстардан кейін осы қызметтің алғашқы нұсқасы 1 қыркүйекте EgovMobile платформасында іске қосылады", – деп жазды Индустрия және инфрақұрылымдық даму министрлігінің баспасөз қызметі.

Айта кету керек, цифрлық құжаттардың заңды күші қағаз жүзіндегі аналогтармен бірдей және олардың артықшылығы көп: сыбайлас жемқорлық тәуекелдері жойылып, қоғамның сенімі артады.

---

Оқи отырыңыз: Оқулықтардың 80 пайызы цифрлық форматқа көшірілді – министрлік

---