Тікелей эфир

Бішкекте Абай үйі ашылды

Алдағы уақытта Абай үйі Германия мен Ресейде де ашылады.

Қырғызстан астанасы Бішкекте Қазақстанның мәдениет күндері аясында Абай үйі ашылды. Бұл туралы Мәжіліс депутаты, ақын Мақпал Мыса жазды.

Мәдени мұрамызды танытумен алыс-жақын шет елдердегі қазақ диаспоралары және отандастармен мәдени-гуманитарлық және іскерлік байланысты нығайтуға бағытталған Abai Uii қазақ мәдени-іскерлік үйлерінің желісін құру Nur Otan партиясы сайлауалды бағдарламасының бірегей жобасы.

"Бұл жоба екі мемлекеттің шығармашылық, мәдени-ағарту, ғылыми, кәсіби және спорт ұйымдары арасында байланыс орнатуға, ынтымақтастықты кеңейтуге жол ашады. Шетелдегі отандастардың ұлттық-мәдени және зияткерлік әлеуетін дамытуға, оның ішінде қазақ тілін оқып үйренуіне қолдау көрсетпек", – деп жазды Мақпал Мыса.

Бұл жобаға жауапты Мәдениет және спорт министрлігі мен "Отандастар" қоры алдағы уақытта Германия мен Ресей мемлекеттерінде Абай үйін ашуды жоспарлап отыр.

 

Біздің Telegram-каналдағы ең көп оқылған жаңалықтар
Серіктестер жаңалықтары