Smart Bridge сервисі іске қосылғалы бері қазақстандықтар 2 миллионнан астам көліктің тарихын тексерген.
Ішкі істер министрлігі пайдаланылған көлікті сатып алмас бұрын оны тексеру керектігін ескертеді, деп жазды Polisia.kz.
Қазақстанда автокөлік тарихын онлайн-режимде көруге болады. Онда:
- автокөліктің Қазақстанда алғашқы тіркелу күні;
- бұрынғы иелерінің саны;
- кепілдіктер мен ауыртпалықтардың бар-жоғын, сонымен қатар басқа да мәліметтер қолжетімді.
Қазіргі уақытта қызмет Smart Bridge-де орналасқан. Сервис "102" және Halyk Bank, Bereke Bank, CenterCredit, ForteBank мобильді қосымшаларында, сондай-ақ Aster.kz сайтында да бар.
Оқи отырыңыз: Автокөлік салоны қосымша құрылғы сатып алуға міндеттесе не істеу керек? Заңгер кеңесі
ІІМ автокөлік тарихына "бірыңғай сақтандыру деректер базасын" қосуды жоспарлап отыр. Бұл көліктің жол апатына ұшыраған-ұшырамағанын қосымша тексеруге мүмкіндік береді.
Айта кетейік, сервис іске қосылған сәттен бастап қазақстандықтар 2 миллионнан астам көлік тарихын тексерген.
