Жаңа маршруттың қозғалыс сызбасы белгілі болды.
16 қаңтардан бастап Алматыда қоғамдық көліктің жаңа №96 маршруты жолаушыларға қызмет көрсете бастайды. Бұл туралы қалалық транспорт холдингі хабарлады.
Жаңа бағыт әуежайдан басталып, Майлин, Бекмаханов, Шолохов, Жұмабаев көшелері арқылы өтіп, Үлкен Алматы каналының бойымен Мөңке би көшесіне дейін жетіп, "Нұркент" ықшам ауданында аяқталады.
Холдинг мәліметінше, жұмыс күндері желіге 15 автобус, ал демалыс күндері 13 автобус шығарылады. Қоғамдық көліктің қозғалыс аралығы шамамен 12 минут болады.