Қарақұрт шағып өлген малдың иелеріне 65 211,2 мың теңге төленді.
Атырау облысында қарақұрт шаққан 90 түйе өлді. Өңірде маусым-шілде айларында барлығы 485 түйені қарақұрт шаққан, деп хабарлайды облыстық ауыл шаруашылығы басқармасының баспасөз қызметі.
"Симптоматикалық емдеу шараларының нәтижесінде 306 жануар сауықты. Ал 89 түйеге әлі де емдеу жүргізіліп жатыр. Қарақұрт шағып өлген малдың иелеріне 65 211,2 мың теңге төленді", – деді басқармадағылар.
Сондай-ақ өтемақының бюджет қаражаты есебінен қарастырылмағаны белгілі болды. Бюджет қаржысы есебінен атқарылатын іс-шаралар тізіміне қосуды сұрап Ауыл шаруашылығы министрлігіне хат жолданған.
Оқи отырыңыз: Жамбыл облысында толассыз жаңбырдан 700-ге жуық мал қырылды