Еңбек және халықты әлеуметтік қорғау министрлігі мемлекеттік атаулы әлеуметтік көмек тағайындау туралы қағидаларға енгізілетін өзгерістер мен толықтырулар жобасын қоғам талқысына ұсынды.
Жобада отбасына төленетін атаулы әлеуметтік көмек мөлшерінде өзгеріс бар. Оған сәйкес, АӘК алатын отбасында 1-6 жас аралығындағы балалар болса, олардың әрбіріне 1,5 айлық есептік көрсеткіш мөлшерінде ай сайынғы қосымша төлем төленеді.
Отбасына атаулы әлеуметтік көмек төлеу мерзімі аяқталған жағдайда қосымша төлем де тоқтатылады.
Айта кетейік, атаулы әлеуметтік көмек мөлшерін есептеуде өзгеріс жоқ. АӘК отбасының орташа табысы мен сол өңірдегі кедейлік шегі арасындағы айырма түрінде есептеледі.
Оқи отырыңыз:
- Атаулы әлеуметтік көмекті алудың жаңа шарттары қандай?
- Бір балаға – 20 теңге. Қарағандыда төрт балалы отбасы 122 теңге атаулы әлеуметтік көмек алды
- 51 мың отбасы кедейлік жағдайынан шықты
Қажет болған жағдайда ауданның (облыстық маңызы бар қаланың) жергілікті атқарушы органдары өңірлердің ерекшеліктерін ескере отырып, үй малын, құсын және жер учаскесін (жер үлесін) "табыс бермейді" деп айқындауы мүмкін.
Құжат жобасын 25 қарашаға дейін талқылауға болады.
