Шығармашылық жұмыстарды қабылдау 25 мамыр күні аяқталады.
Қазақстан мұсылмандары діни басқармасына қарасты айына 1 рет жарық көретін діни-танымдық "Иман" журналы "Ата-анаңды аяла" атты шығармашылық байқау жариялады, деп хабарлайды muftyat.kz сайты.
Байқаудың мақсаты – қазіргі қазақ қоғамында отбасылық, имандылық және ұлттық құндылықтарды насихаттау, журнал оқырмандарының шығармашылық әлеуетін дамыту.
Байқаудың шарттары:
- байқауға ата-ананың құрметі тақырыбына қатысты еш жерде жарияланбаған ғибратты, әсерлі әңгімелер мен эсселер жіберіледі;
- шығармашылық жұмыстар Word файлы түрінде қабылданады. Мақала көлемі Times New Roman шрифтімен 14 кегль өлшемінде, біртекті интервалмен теріліп, жалпы көлемі 4 беттен аспауы тиіс;
- жұмыстар ұйымдастырушының мекен-жайына (Алматы қаласы, Пушкин көшесі, 16) және iman-kz@mail.ru электронды поштасына – "Байқауға" айдарымен жолдануы тиіс;
- бір қатысушы бір номинацияға бір материал ғана жібере алады;
- материалдар тек қазақ тілінде қабылданады;
- қатысушылар шығармашылық жұмыстарға өздерінің толық аты-жөнін, телефон нөмірін, мекен-жайын, электронды поштасын және өздері туралы қысқаша мәліметті қосып жазып, iman-kz@mail.ru электронды поштасына жіберуі керек.
Байқау талаптары:
- байқауға шығармашылық жұмыстарды қабылдау 2022 жылдың 25 мамыр күні аяқталады;
- Қазақстанның егемендігіне, біртұтастығына, бірлігіне нұқсан келтіретін, байқау шарттарына сай келмейтін материалдар байқауға қабылданбайды;
- шығармашылық жұмыстардың мазмұны жобаның атауына ("Ата-ананы аяла") сай болуы керек.
Жүлде қоры:
- І орын – 250 мың теңге;
- ІІ орын – 150 мың теңге;
- ІІІ орын – 100 мың теңге;
- ынталандыру сыйлықтары – 70 мың теңгеден үшеу.
Еске салсақ, қазақстандық әйелдердің жартысына жуығының үй шаруасына күнделікті 6 сағат жұмсайтыны туралы зерттеу нәтижесін жариялаған едік. Сауалнамаға қатысқан қазақстандықтардың жартысына жуығы үй шаруасын әділ бөлу және әйелдердің еңбегін ерлермен тең дәрежеде төлеу маңызды екеніне сенімді.
