Мемлекет басшысының жарлығымен Асхат Жұмағали ҚР Сыбайлас жемқорлыққа қарсы іс-қимыл агенттігінің төрағасы лауазымына тағайындалды. Бұл туралы Ақорда хабарлады.
"Асхат Жұмағалиұлы Жұмағали Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызметтің) төрағасы болып тағайындалсын, ол бұрынғы атқарған лауазымынан босатылсын", – делінген жарлық мәтінінде.
Ол бұрынғы атқарған Сыбайлас жемқорлыққа қарсы іс-қимыл агенттік төрағасының орынбасары лауазымынан босатылды.
![](/storage/photos/83/642cfc2197d37.jpg)
Ол 1979 жылы Арқалық қаласында туған. Әр жылдары прокуратура органдарында түрлі лауазымдарды атқарған. Қаржы полициясы төрағасының кеңесшісі, тергеу департаментінің бастығы, Бас прокурордың аға көмекшісі, Құқық қорғау органдары академиясы Ведомствоаралық ғылыми-зерттеу институты директоры, Сыбайлас жемқорлыққа қарсы іс-қимыл ұлттық бюросы тергеу департаменті басшысының орынбасары, бюроның СҚО бойынша департамент басшысы, Сыбайлас жемқорлыққа қарсы іс-қимыл агенттігі Шымкент қаласы бойынша департаментінің басшысы, одан кейін агенттіктің сотқа дейінгі тергеу қызметінің басшысы болды.
Өзге де тағайындаулар:
- Алмасадам Сәтқалиев энергетика министрі болып тағайындалды
- "Самұрық-Қазына" қорының басшылығына Нұрлан Жақыпов тағайындалды
- Мұрат Нұртілеу премьер-министрдің орынбасары – сыртқы істер министрі болып тағайындалды
- Олжас Бектенов ҚР Президенті әкімшілігінің басшысы болып тағайындалды