Тікелей эфир

Астана тұрғындары Республика күнін қалай мерекелейді?

Мереке күні бірқатар тұрғындарға пәтер кілті табысталады.

Астана қаласының әкімдігінің ресми сайты Республика күніне орай елордада өтетін шаралар туралы хабарлады.

"Мереке аясында елордада және әр ауданда әр түрлі саланың еңбек сіңірген қызметкерлері, еңбек ардагерлері, батылдық танытқан азаматтар марапатталады. Сонымен қатар, мереке күні қалада тұрғын үйлер пайдалануға беріледі" делінген қала әкімдігінің хабарламасында.

21 қазан. Барлық білім беру мекемелерінде салтанатты жиындар өтеді, оның барысында оқушыларды ерекше жетістіктері үшін, мұғалімдерді еңбегі үшін марапаттау жоспарланып отыр. Ал соңында Мемлекеттік әнұранды жаппай орындау бойынша акция өтеді.

21 қазан, сағат 11:00. Орталықтандырылған кітапхана жүйесінде "Егемендік күні – тарихи қадам" атты дөңгелек үстел өткізіледі. Іс-шараға кез келген адам қатыса алады.

22-30 қазан аралығы. Астанада екінші рет "ТЕАТРALL" халықаралық театр фестивалі өтеді. Биыл ол республика күніне және театр мен киноның көрнекті режиссері Әзірбайжан Мәмбетовтің 90 жылдығына арналған. Фестивальге 14 театр қатысады – 8 қазақстандық және 6 шетелдік театр. 

24 қазан, 19:00. "Наз" мемлекеттік би театры "Республикам – Қазақстан!" концертін өткізеді.

25 қазан, 12:00. "Қазанат" ат спорты кешенінде бәйге түрлері бойынша жарыстар өтеді. Аламан және топ-бәйге бойынша 20 және 14 км қашықтықтағы жарыстарға еліміздің 11 өңірінен 70 шабандоз қатысады.


Оқи отырыңыз: Алматыда Республика күнінде отшашу болады


25 қазан, 16:00. ЕХРО көрмесінің алаңында "Қазақстаным менің!" концерті өтеді.

25 қазан, 18:00. "Қазақстан" орталық концерт залында Роза Рымбаеваның шығармашылығына арналған концерт ұйымдастырылады.

25 қазан, 19:00. Бейбітшілік және келісім сарайында "Мәңгілік ел дауысы" концерті болады.

24-25 қазан. Астана маңындағы "Этноауыл" ұлттық-мәдени кешенінің аумағында ат спорты бойынша спорттық жарыстар өтеді. 

Бұл мақала сізге пайдалы болды ма?
0

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар
Серіктестер жаңалықтары