Ақтөбе қаласының прокуратурасы жолдары бойынша жол белгілерін салуға бөлінген бюджет қаражатын заңсыз жұмсау фактісін анықтады. Бұл туралы Ақтөбе облысының прокуратурасы хабарлады.
Мәселен, 2023 жылы «Жол қозғалысы қауіпсіздігін қамтамасыз ету және цифрлық технологиялар орталығы» КММ (бұдан әрі – Орталық) мен серіктестіктердің бірі арасында Ақтөбе қаласының жолдарында жалпы сомасы 213,3 млн. теңгеге жол белгілерін орнату туралы шарт жасалған.
"Шарт бойынша барлық жұмыстар аяқталғаннан кейін Орталықпен көрсетілген сома толығымен төлеген. Шарттың талаптарына сәйкес 3 айдың кепілдік мерзімі ішінде серіктестік бұзылған белгілерді өз есебінен қалпына келтіруге міндетті. Алайда, тексеру барысында Орталықпен кепіл мерзімі ішінде бұзылған белгілерді қалпына келтіргені үшін серіктестікке жалпы сомасы 45,5 млн. теңгеге бюджет қаражаты заңсыз аударылғаны анықталды", – деп жазылған хабарламада.
Ақтөбе қаласының прокуратурасы жоғарыда айтылғандарды негізінде, ҚК-тің 361-бабының 1-бөлігі (лауазымдық өкiлеттiктерді теріс пайдалану) бойынша сотқа дейінгі тергеп-тексеру бастады.
Оқи отырыңыз: Алматыдағы Ақсай бөгетінің құрылысы: Мердігер "Қазселденқұтқарудың" айыптауына жауап берді
Қазіргі таңда қылмыстық іс сотқа дейінгі тергеп-тексеру жүргізу және процестік шешім қабылдау үшін Ақтөбе облысы бойынша Сыбайлас жемқорлыққа қарсы қызметке жолданды.
