Ақпарат министрі Қазақстанды Ресей пропагандасынан қорғау жөнінде пікір білдірді

Министр ақпараттық кеңістікке тұрақты мониторинг жүргізілетінін айтты.

Журналистер мәжіліс куларында Ақпарат және қоғамдық даму министрі Дархан Қыдырәліден Қазақстанның ақпарат кеңістігін Ресей пропагандасынан қорғау шаралары, кей телеарналарды бұғаттау мәселесі туралы сұрады. 

"Ақпараттық қауіпсіздік – біздің басым бағыттарымыздың бірі. Заң бұзушылық орын алған жағдайда азаматтардың шағымы мен соттың үкімі болса, біз оны орындаймыз. Қазір мониторинг жасап отырмыз. Жалпы бұған байланысты мәселелер Сыртқы істер министрлігінің құзыретінде. Біз өз бетімізше ондай шектеумен айналыспаймыз. Соттың шешімі болса, қарастырамыз", – деді министр.


Оқи отырыңыз: "Жақсы көретінімді жеткізіңізші". Интернет бұғатталғанда еріктілер адамдардың хабар алысуына қалай көмектесті?


Сонымен қатар журналистер министрден кей сайттардың бұғатталуы туралы сұрады. 

"Қазақстанға ақпараттық шабуылдар болып жатқанын мемлекет басшысы айтты. Осыдан бір-екі ай бұрын тіпті жиілеп кеткен болатын. Біз әруақытта журналистердің құқығын қорғауға дайынбыз. Ақпарат алуына, журналистік зерттеуін жүргізуіне. Ал сайттардың бұғатталу мәселесі Цифрлық даму министрлігінің құзыретінде. Ulysmedia сайтын арнайы кімдердің шабуыл жасап отырғанын, техникалық себептерін анықтау керек. Біз ол медианы әріптес ретінде қолдаймыз", – деді министр.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Бөлісу:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары