Ақпарат министрі: Балаларға жекеменшік теле не YouTube арна ашылса, оған тек қуанамыз

Асқар Омаров TiJi және Nickelodeon телеарналарының ашылуы "Балапанның" жабылуына әкелмейтінін айтты.

Нарыққа балаларға арналған тағы 2 арна келеді. Бірақ, бұл "Балапан" телеарнасы жабылады деген сөз емес. Қайта бәсеке болуы үшін жасалып отыр, деп мәлімдеді ақпарат және қоғамдық даму министрі Асқар Омаров. 

"TiJi және Nickelodeon телеарналарының ашылатын кезі келді. Балаларға арналған контентті көбейту қажет. Бірақ, біз жабық мемлекетте өмір сүріп жатқан жоқпыз. Балаларымыз әлемдік үлкен телеанимацияларды қалай болғанда да көреді. Алайда бұл контенттердің қазақ тіліне аударылған нұсқасы жоқ. Мысалы, "Маша мен аю" секілді бір мультфильмді аударсақ, оның құны шамамен 2 млрд теңге шығады, шамамен 250 минут өнім ғана аударылады. TiJi және Nickelodeon бойынша бір жылдық контент қазақ тіліне аударылып, оған шамамен 800 млн теңге жұмсалады. Айырмашылығын көріп тұрсыздар", – деді Асқар Омаров. 


Оқи отырыңыз: TiJi, Nickelodeon арналарының 800 сағат өнімі жыл соңына дейін қазақ тіліне аударылады


Министр "Балапан" телеарнасына сұраныс артқанына тоқталды. Шетелдік телеарналар аталған арнаның 12 анимациялық фильмін сатып алған. 

"Отандық контентке оралсақ, "Балапан" телеарнасы өте қатты өсіп кетті. Қырғызстанның бір депутаты парламентте сөйлеп тұрып "Менің балаларым "Балапан" телеарнасын көріп отырып қазақша сөйлейтін болды" деді. "Балапан" телеарнасында шығатын анимациялық фильмдерді басқа Орта Азия елдеріне өте төмен бағамен беретін болдық. Негізі сұраныс бар. Қазіргі кезде шетелдік арналар аталған телеарнаның 12 анимациялық фильмін сатып алған. Балаларға арналған жекеменшік телеарна мен YouTube каналдар ашылса, оған тек қуанамыз. Себебі, қазір мемлекет анимацияға ақша салып жатыр. Көптеген жас қыздар мен ұлдар анимациямен айналысатын болды. Ертең Қазақстан Орта Азияда балаларға арналған контенттің хабы болуы мүмкін", – деді министр. 

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите ее мышью и нажмите Ctrl+Enter

Серіктестер жаңалықтары