Алматыда 2026 жылы коммуналдық инфрақұрылымды жаңғыртуға сегіз жоба іске асып жатыр.
Алматының Жетісу ауданында 2026 жылы коммуналдық желілерді қайта жаңғырту бойынша сегіз жоба жүзеге асырылып жатыр. Бұл туралы аудан әкімдігінің өкілдері айтты.
Әкімдіктің мәліметінше, жоба аясында 7 шақырымнан астам су құбыры және шамамен 1 шақырым кәріз желісі жаңартылады.
"Сонымен қатар 2-ші Гончарная көшесінде ұзындығы 340 метр болатын жылу желілерін қайта жаңғырту жұмыстары басталды. Қазір аталған аумақта уақытша желілер тартылды. Жобаны үш ай ішінде аяқтау жоспарланып отыр", – делінген хабарламада.
Бұдан бөлек, кернеуі 6-10 кВ болатын кабельдік электр желілерін жаңғырту жұмыстары да қолға алынған. Негізгі жұмыстарды жыл соңына дейін аяқтау көзделген.