Алматы әкімдігінің баспасөз қызметі Желтоқсан көшесіндегі BRT желісі 14 желтоқсанда іске қосылатынын хабарлады. Ол Тимирязев көшесіндегі және Райымбек батыр даңғылындағы BRT желісі жалғап, оңтүстіктен солтүстікке дейін үздіксіз автобус қатынасын қамтамасыз етеді.
"Арнайы жолақтар жолдың шетінде орналасқан, бұл көлік кептеліс қолайсыздығын төмендетеді. Жеке автокөлік үшін әдеттегі қозғалыс схемасы сақталады: Абай даңғылынан солтүстікке қарай біржақты қозғалыс және жолақ саны өзгеріссіз қалады. Учаскеде фото және бейне тіркеу жұмыс істейді", – делінген хабарламада.
Алғашқы кезеңде №92 және №59 бағытын іске қосу жоспарланған. Қозғалыс кестесі мен егжей-тегжейлі сызба қосымша жарияланады.
Айта кету керек, жоба аясында аялдамалар жаңартылып, жаңа асфальт төселді, бағдаршам нысандары мен жарықтандыру орнатылды, сондай-ақ, жүргіншілер аймағы көріктендірілді.
