SunExpress Алматыдан Измирге тікелей ұша бастайды.
31 шілдеден бастап Қазақстанның әуе тасымалы нарығына Түркияның SunExpress әуе компаниясы кіреді. Бұл туралы Қазақстан Республикасы Көлік министрлігі хабарлады.
Министрліктің мәліметінше, әуе компаниясы Алматы – Измир бағыты бойынша тікелей тұрақты жолаушылар рейстерін орындай бастайды. Рейстер аптасына екі рет – сейсенбі және жұма күндері Boeing 737 ұшақтарымен жүзеге асырылады.
Көлік министрлігінің хабарлауынша, жаңа әуе бағыты Қазақстан мен Түркия арасындағы көлік қатынасын кеңейтіп, екі елдің сауда-экономикалық, инвестициялық, іскерлік, туристік және мәдени байланыстарын дамытуға ықпал етеді.
Министрлік алдағы уақытта да ұшу географиясын кеңейту және халықаралық бағыттар бойынша рейстер санын арттыру жұмыстары жалғасатынын мәлімдеді.