Алматыда ҰҚШҰ бітімгерлік күштерін шығару басталды

ҰҚШҰ контингенті әскерлерін Қазақстаннан шығаруға ең көп дегенде 10 күн кетеді.

Алматыда ҰҚШҰ бітімгерлік күштерін Қазақстан аумағынан шығару салтанатты рәсімі өтіп жатыр.

Рәсім Сағадат Нұрмағамбетов атындағы Құрлық әскерлерінің әскери институты базасында ұйымдастырылды. Шара Қазақстанға келген ҰҚШҰ күштері әскерлерінің сап түзеуінен басталды.

Фото informburo.kz

Алматыда өткен жедел штаб отырысында президент Қасым-Жомарт Тоқаевқа Алматы қаласына қосымша күштер, соның ішінде ҰҚШҰ бітімгерлік контингентінің күштерін жұмылдыруға қатысты берген тапсырмасының нәтижесінде қала лаңкестерден толық тазартылғаны туралы баяндалған болатын. Қазіргі уақытта қала тіршілігін қамтамасыз ететін барлық саланың жұмысын қалпына келтіру белсенді жүріп жатыр. 

Фото informburo.kz

2 қаңтарда Маңғыстау облысында сұйытылған газ бағасының көтерілуіне қарсы митингтер басталды. Наразылықтар басқа өңірлерге де ұласып, 4 қаңтарда террорлық шабуылдарға дейін өсті. Алматыда қылмыстық топтар қала әкімдігі мен басқа да әкімшілік ғимараттарын өртеп, инфрақұрылым нысандарына зақым келтірді, дүкендерді тонады. 6 қаңтарда мемлекет басшысы Қауіпсіздік кеңесінің отырысын өткізіп, ҰҚШҰ елдерінен көмек сұрады. 

Фото informburo.kz

Ұжымдық қауіпсіздік шарты ұйымы елдерінің бітімгерлері жауынгерлік әрекеттерге қатыспады, бандиттерді жоюмен айналыспады.  Олар қорғау мен күзет қызметін орындады.

Қазақстан президенті ҰҚШҰ миссиясына өте сәтті өтті деп баға берді.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары