Алматыда референдум күні қоғамдық көліктер тегін қатынайды

Алматыда 15 наурыз қоғамдық көлікте жол жүру тегін болады. Бұл шешім республикалық референдумның өткізілуіне байланысты қабылданды, деп хабарлады қала әкімдігінің баспасөз қызметі. 

"Тегін жол жүру автобус, троллейбус және метрополитен сынды қалалық қоғамдық көліктің барлық түріне қатысты. Жолаушылар оны күні бойы жолақы төлеу тәсіліне және пайдаланылатын электронды билет жүйесіне қарамастан пайдалана алады. Бұл шешім қала тұрғындары мен қонақтарына қолайлы жағдай жасау және дауыс беру күні Алматы бойынша еркін қатынауды қамтамасыз ету мақсатында қабылданды", – делінген хабарламада. 

Еске салайық, 15 наурызда Қазақстанның жаңа Конституциясы бойынша республикалық референдум өтеді. Оған 12 миллионнан астам азамат қатысады. Барлығы 10 413 референдум учаскесі жұмыс істейді, оның ішінде 9 779-ы азаматтардың тіркелген жері бойынша, ал 634-і уақытша тіркеу орындарында ашылады.

Референдумде дауыс беру бойынша Информбюроның нұсқаулығын осы жерден оқуға болады.