27 қыркүйекте Алматыда 15-ші мерейтойлық Almaty Marathon өтеді. Осыған байланысты жарыс бағыты өтетін бірқатар көшеде көлік қозғалысына уақытша шектеу қойылады. Биыл марафонға әлемнің 60-тан астам елінен 16 мың адам қатысады. Ұйымдастырушылардың мәліметінше, жолдар қатысушылардың қозғалысына қарай кезең-кезеңімен ашылады, деп хабарлайды әкімдіктің баспасөз қызметі.
Марафонның сөресі Абай алаңында орналасады. Осыған байланысты Достық даңғылының Сәтбаев көшесінен Құрманғазы көшесіне дейінгі бөлігінде екі бағыттағы қозғалыс 26 қыркүйек сағат 20:00-ден 27 қыркүйек сағат 13:00-ге дейін жабылады.
Абай даңғылының Достық даңғылынан Назарбаев даңғылына дейінгі бөлігі 26 қыркүйек сағат 15:00-ден 27 қыркүйек сағат 15:00-ге дейін жабық болады.
Сәтбаев көшесінің Желтоқсан көшесінен Назарбаев даңғылына дейінгі бөлігінде қозғалыс 26 қыркүйек сағат 06:00-ден 28 қыркүйек сағат 00:00-ге дейін тоқтатылады.
Желтоқсан көшесінің Абай даңғылынан Сәтбаев көшесіне дейінгі бөлігі 26 қыркүйек сағат 20:00-ден 27 қыркүйек сағат 18:00-ге дейін жабылады.
Марафон өтетін күні жолдардың жабылу уақыты мынадай:
- 06:00–13:30 — Абай даңғылы, Достық даңғылынан Сейфуллин даңғылына дейін;
- 08:30–12:50 — Достық даңғылы, Құрманғазы көшесінен Бөгенбай батыр көшесіне дейін;
- 08:35–11:15 — Бөгенбай батыр көшесі, Достық даңғылынан Масанчи көшесіне дейін;
- 08:40–10:55 — Сәтбаев көшесі, Желтоқсан көшесінен Масанчи көшесіне дейін;
- 08:50–12:00 — Қабанбай батыр көшесі, Достық даңғылынан Масанчи көшесіне дейін;
- 09:05–12:50 — Шевченко көшесі, Достық даңғылынан Мұратбаев көшесіне дейін;
- 09:25–13:30 — Құрманғазы көшесі, Достық даңғылынан Мұратбаев көшесіне дейін;
- 09:35–13:30 — Наурызбай батыр көшесі, Құрманғазы көшесінен Абай даңғылына дейін.
Абай даңғылының Момышұлы көшесінен Сейфуллин даңғылына дейінгі бөлігінде солтүстік бағыттағы қозғалыс 06:00–09:15 аралығында, ал Сейфуллин даңғылынан Момышұлы көшесіне дейінгі бөлігінде оңтүстік бағыттағы қозғалыс 08:00–10:35 аралығында шектеледі. Бұл учаскелерде балама бағыт ретінде әл-Фараби даңғылымен жүруге болады.
Сондай-ақ Шевченко көшесі жабылған кезде әл-Фараби даңғылы мен Төле би көшесін пайдалануға болады. Сәтбаев көшесі жабылған уақытта Төле би көшесі және әл-Фараби даңғылы арқылы жүруге мүмкіндік бар.
Almaty Marathon бағдарламасында 10 шақырым, 10 шақырым скандинавиялық жүріс, 21,1 шақырым, 42,2 шақырым және командалық Экиден эстафетасы бар.
Сөреге шығу уақыты:
- 06:00 — 10 км, A, B, C, D, E және F кластерлері;
- 06:15 — 10 км, G, H, K, L, M және N кластерлері;
- 07:30 — 42,2 км және командалық Экиден эстафетасы;
- 07:45 — 21,1 км.
Мәреге қатысушылар Республика алаңында келеді. Ұйымдастырушылар қала тұрғындары мен қонақтарына жолдардың жабылуын алдын ала ескеріп, маршрутты жоспарлауды ұсынды. Сөре орнына жетудің оңтайлы бағытын 2GIS қосымшасы арқылы құруға болады.