Алматыда Абай даңғылының бір бөлігінде орташа жөндеу жұмыстарының жүргізілуіне байланысты көлік қозғалысына уақытша шектеулер енгізіледі, деп хабарлайды әкімдіктің баспасөз қызметі.
"24 тамыз сағат 21:00-ден 1 қыркүйекке дейін Саин көшесінен Момышұлы көшесіне дейінгі аралықта көлік қозғалысы ішінара шектеледі. Жөндеу жұмыстары жолды толық жаппай, бірнеше жолақта кезең-кезеңімен жүргізіледі. Жөндеу жүргізіліп жатқан учаскеде ескерту белгілері және мердігер ұйым басшысының байланыс ақпараты көрсетілген тақта орнатылады. Жол жүру бағытыңызды алдын ала жоспарлауды сұраймыз", – делінген хабарламада.
Оқи отырыңыз: Қазақстанда алаяқтар Beeline, Kcell және Activ абоненттеріне 150 мың жалған SMS жіберген
Еске саламыз, көлік қозғалысына қатысты барлық шектеу туралы ақпарат Telegram желісіндегі @AlmatyJoly арнасында, әкімдіктің әлеуметтік желілерінде, сондай-ақ 2GIS және "Яндекс Карталар" сервистерінде жарияланады.