Тікелей эфир

Алматы қаласында Әйтеке би көшесі ұзартылады

Бірқатар көшеге жаңа аялдама орнатылады.

Алматыда жыл соңына дейін маңызы бар көшелерге жөндеу жұмыстары жүргізіліп, төрт аялдама орнатылады. Бұл туралы қала әкімі Ерболат Досаев Алмалы ауданының тұрғындарымен кездесуде айтты.

Оның айтуынша, жыл басынан бері қалада Брусиловский және Байтұрсынов көшелерінде 4 жаңа аялдама орнатылды.

"Осы жылдың соңына дейін Мұқанов, Байзақов, Тілендиев және Панфилов көшелеріне тағы 4 аялдама орнату жоспарланып отыр. Сондай-ақ, маусымда Байтұрсынов пен Досмұхамедов көшелерінің арасындағы Әйтеке би көшесінің бойына тротуар орнатып, жолды ұзартуды бастаймыз", – деді Ерболат Досаев.


Оқи отырыңыз: Шерхан Мұртаза, Дүкенбай Досжан, Немат Келімбетовтың есімі Алматы көшелеріне беріледі


Сонымен қатар, жергілікті бюджеттен көшелерге орташа жөндеу жұмыстарын жүргізуге 4,3 млрд теңге бөлінген.

"Биыл аудандық маңызы бар 11 көшені және жалпы ұзындығы 25 км болатын 5 магистралды көшеге орташа жөндеу жұмыстары жүргізіледі. Атап айтсақ, Абай даңғылы – Тілендиев көшесінен Достық даңғылына дейін, Байзақов көшесі – Тимирязев көшесінен Райымбек даңғылына дейін және тағы басқа көшелер қамтылады", – деді шаһар басшысы.

Бұл мақала сізге пайдалы болды ма?
0

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар
Серіктестер жаңалықтары