Алматы прокурорлары түсірілімге бөлінген 400 миллион теңгенің ұрланғанын анықтады

19 желтоқсан 2023, 09:51 Авторға хат жазу قازاقشا Qaz

Ұрлық фактісі "Қазақфильмді" тексеру барысында анықталды.

Алматы қаласының прокуратурасы "Шәкен Айманов атындағы Қазақфильм" Акционерлік қоғамын тексеру қорытындысы бойынша аса ірі көлемде бюджет қаражатын ұрлау фактісі бойынша сотқа дейінгі тергеп-тексеруді бастады. Бұл туралы Алматы қаласының прокуратурасы жазды.

Алдын-ала мәлімет бойынша, фильм түсіруге бөлінген 400 миллион теңгеден астам қаржының ұрланғаны анықталды.

Сотқа дейінгі тергеп-тексеруді Экономикалық тергеп-тексеру департаменті жүргізіп жатыр.

Оқи отырыңыз: "Қазақфильм" басшылығы киностудияны жабу жөніндегі пікірлерге жауап берді