Алматы мен Астанада доллар қанша теңгеден сатылып жатыр

Қазақстан қор биржасы (KASE) сауда-саттық қорытындысы бойынша доллар бағамы сәл арзандады.

Күндізгі сауда нәтижесінде АҚШ валютасының орташа бағамы 0,11 теңгеге төмендеп, 489,17 теңге болды. Ал Қазақстан Ұлттық Банкі белгілеген ресми бағам — 489,30 теңге.

Kurs.kz мәліметіне сәйкес, Алматы қаласының ақша айырбастау пункттерінде доллар орта есеппен 492,53 теңгеден сатып алынып, 495,58 теңгеден сатылып жатыр. Еуро 578,55–583,84 теңге аралығында, ал рубль 6,35–6,47 теңге шамасында саудаланып жатыр.

Астана қаласындағы айырбастау орындарында доллар 488,21 теңгеден сатып алынып, 495,21 теңгеден сатылуда. Еуроның сатып алу бағамы — 575,18 теңге, сату бағамы — 585,18 теңге. Ал рубль 6,23 теңгеден сатып алынып, 6,53 теңгеден сатылып жатыр.