Алимент төлемеген 16 мың азаматқа Қазақстаннан шығуға тыйым салынды

Әділет министрлігінің мәліметінше, Қазақстанда алимент төлейтін 80 мыңнан астам адам бар. Ал арасында уақытылы төлемегендердің қарызы 14 млрд теңгеге жетіп отыр, деп хабарлайды 31 арнаның "Информбюро" ақпараттық бағдарламасы. 

Борышкерлер саны Алматы мен Астана қаласында көп. Екі қаланың әрқайсында екі мыңға жуық әке алимент төлемей жүр. Мұнымен қатар, Қарағанды, Түркістан және Жамбыл облыстарында ер азаматтар баласына көмектесуден қашып жүр.

Сондай-ақ, алимент төлеуден бас тартқан екі мыңнан астам борышкерді полиция іздестіріп жатыр. 

---

Оқи отырыңыз: "Баласына 15 мың теңгесін қимайды". Алимент өндіру үшін не білу керек?

---

"Ақшасын бала-шағасынан аяп, ең төменгі айлыққа жұмыс істейтіндер немесе өз табысын азайтып көрсететіндер бар. Мұндайда сот орындаушы өзі тексеріс жүргізіп, нәтижесін Қылмыстық кодекстің 139-бабына сәйкес, ІІМ-ге жібереді. Ары қарай ІІО алимент төлеуден жалтарып жүр деген тұжырым шықса, қылмыстық жауапкершілікке тартылады", – деді ҚР әділет министрлігі мәжбүрлі орындау департаментінің бас сарапшысы Мадина Мұқашева.