Ұлттық банк "7-20-25" жеңілдетілген ипотекасының мерзімін ұзартуды қарастырып жатыр. Бұл туралы ҚР Ұлттық банкіне сілтеме жасап Krisha.kz хабарлады.
Президент сайлауалды тұғырнамасын орындау аясында "7-20-25" бағдарламасын 2029 жылға дейін жүзеге асыруды тапсырды. Негізгі шарттар сақталады:
- жылдық мөлшерлеме – 7%;
- бастапқы жарна – 20%;
- несие беру мерзімі – 25 жыл.
Ұлттық банк бағдарламаны қаржыландыруға қатысты белгілі бір параметрлерді анықтайды. Қабылданған шешімдер Ұлттық банк Үкіметпен талқылаған соң жарияланады.
Оқи отырыңыз: "Жетісу жастары" тұрғын үй бағдарламасының шарттары белгілі болды
Еске салайық, қаржыландырудың бастапқы сомасы 1 триллион теңгені құрады. Осы уақытқа дейін қаражат толық игерілмеген. Бос лимит 188 миллиард теңгені құрайды.
Игеру қарқыны бойынша бөлінген қаржы 2023 жылы таусылады деп болжам жасалған.
