6 мың – 46 мың теңге: 2022 жылы туберкулезбен ауыратындар қандай әлеуметтік көмек алды?

Жылдың 10 айында туберкулезбен ауыратын 11 472 адамға әлеуметтік көмек берілген.

Қазақстанда "Халық денсаулығы және денсаулық сақтау жүйесі туралы" кодексіне сәйкес, туберкулезге шалдыққан науқастарға жергілікті әкімдіктен қаржылай әлеуметтік көмек көрсетіледі. 2022 жылғы 10 айда 11 472 адам 6 126 теңге мен 45 945 теңге аралығында әлеуметтік көмек алған. Бұл туралы ҚР премьер-министрінің орынбасары Ерұлан Жамаубаевтың Мәжіліс депутаттарының сауалына берген жауабынан белгілі болды.

Әлеуметтік көмек алған 11 472 адамның 10 220-сына ай сайын, 256 адамға тоқсан сайын және 996 адамға жылына бір мәрте көмек көрсетілген.


Оқи отырыңыз: Балаларға екпе салдыру дұрыс па? Маңызды 10 сұраққа жауап береміз


"Бұдан басқа жекелеген өңірлерде туберкулезге қарсы іс-шаралар жоспары әзірленіп, соған сәйкес емделуге, жол жүруге, азық-түлік жиынтығын сатып алуға материалдық көмек, сондай-ақ туберкулезбен ауыратын балалары бар ата-аналарға психоәлеуметтік көмек көрсетілуде", – делінген Ерұлан Жамаубаевтың жауабында.

Еске салайық, бұл санатқа жататын науқастардың әлеуметтік көмек алуы үшін табысын растау міндеттелмейді. Яғни, әлеуметтік көмек амбулаториялық емдеу кезеңінде туберкулезбен ауыратын науқастарға табысына қарамастан тағайындалады.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Бөлісу:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары