"408 150 теңге қолдан жасалған". Жалған ақшаны қалай анықтауға болады?

Жалған банкноттардың көп  бөлігі Алматы, Нұр-Сұлтан қалаларында және Шығыс Қазақстан облысында анықталған.

Биылғы жылдың алғашқы алты айында қолдан жасалған 408 150 теңге анықталды, деп хабарлады Ұлттық банк.

Көп жағдайда номиналы 2 000 теңгелік банкноттар қолдан жасалған. Олардың саны – 97 дана. Номиналы 5 000 теңгеліктен – 15 дана,  10 000 теңгеліктен – 10 дана ақша қолдан жасалған. Қалған 9 пайызы өзге номиналдағы банкноттарға тиесілі.

Жалған банкноттардың көп  бөлігі Алматы, Нұр-Сұлтан қалаларында және Шығыс Қазақстан облысында анықталған.


Оқи отырыңыз: 200 теңгелік банкнотты қабылдаудан бас тартса, не істеу керек?


Ұлттық банк қолдан жасалған ақшаны ажыратуға көмектесетін қарапайым қағидаларды еске салады.

  • Арнайы мөр. Банкноттарда бедер тудыратын арнайы мөр бар. Сол сияқты барлық банкноттарда көру қабілеті нашар адамдарға арналған, қолмен ұстағанда жақсы білінетін дөңес тәрізді жоғары бедерлі элемент түріндегі белгілер бар.
  • Банкноттың түсі. Ақшаның түсі анық және контрастылы болуға тиіс, су таңбасы мен номиналдың цифрлық бейнесін көру үшін банкнотты жарыққа бағыттап көру қажет.  
  • Магниттік жіп. Банкнот бетіндегі жазулары бар тұтас жіп тәріздес, жарықта анық көрінетін жазулар бар үзік сызық түріндегі тұтас магниттік және сүңгуір жіпке де назар аударған жөн.
  • Түс ауысуы. Номиналы 1 000, 2 000, 5 000, 10 000 және 20 000 теңгелік банкноттарда түрлі-түсті бояумен салынған сурет түріндегі бейнелер бар. Банкноттың көлбеу бұрышы өзгерген кезде бейнелердің түсі жасылдан алтын түске дейін өзгереді.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары