Көктөбеге баруды жоспарлағандарға ескерту жасалды.
25 қыркүйек күні Алматыдағы Көктөбе аумағы келушілер үшін уақытша толық жабылады, деп хабарлайды әкімдіктің баспасөз қызметі.
Шектеу 00:00-ден 17:00-ге дейін қолданылады.
Белгіленген уақыт аралығында Көктөбеге келушілер үшін бірқатар шектеу енгізіледі. Атап айтқанда:
- аспалы жолдың жұмысы тоқтатылады;
- автокөлік қозғалысына шектеу қойылады;
- жаяу жүргіншілер бағыттары мен соқпақтарына кіруге болмайды.
Осыған байланысты Алматы тұрғындары мен қала қонақтарынан сапарын алдын ала жоспарлап, уақытша шектеулерді ескеруді сұрайды. Көктөбе аумағы 25 қыркүйек сағат 17:00-ден кейін келушілер үшін қайта ашылады деп күтіледі.