Allur компаниялар тобына кіретін Jac Motors Kazakhstan екі бірдей жаңалығын жария етті.
Компания 22-30 сәуір аралығында Қостанайдағы зауытынан шығатын көліктердің барлық моделіне бағаны төмендетті. Сондай-ақ, көліктерді несиеге рәсімдеу шарттары да жеңілдеген. Бұл шара компаниялар тобының 22 жылдығына орай қолға алынған.
Екінші жаңалық – қазақстандық компания Қытайдың Хэфэй қаласында өткен Jас жаһандық серіктестер конференциясында 2024 жылдың қорытындысы бойынша JAC брендінің үздік жаһандық дистрибьюторы атанды. Арнайы жүлде 100-ден астам ел мен аймақтан келген өкілдер қатысқан конференция барысында табыс етілді.
"Бұл қазақстандық компанияның халықаралық серіктестер арасындағы тұрақты позициясы мен жоғары орнын дәлелдейді. Жүлдеге негізгі көрсеткіштердің тұрақты өсуі, дистрибьюторлық желінің кеңеюі, сатылым көлемінің ұлғаюы және клиенттік қызмет сапасының жақсаруы негіз болды", – делінген компанияның хабарламасында.
Айта кетейік, JMQ 2024 жылы 11 771 автомобиль сатып, Jac Қазақстанда ең көп сатылатын 5 көлік маркасының қатарына енді. Қазақстанда компанияның 31 дилерлік орталығы бар.
- Tesla, Zeekr, Changan. 2025 жылы автобрендтер қандай жаңа көліктерін сатылымға шығарады? Информбюро шолуы
- Елордада Automechanika Astana 2025 халықаралық көрмесі басталды