MoveGreen сарапшылары Эль-Ниньо табиғи құбылысына арналған аналитикалық шолу жариялап, оның Орталық Азиядағы климаттық жағдай мен табиғи қауіп-қатерлерге ықтимал әсерін бағалады.
2026 жылғы 2 маусымда Дүниежүзілік метеорологиялық ұйым Тынық мұхитының тропикалық бөлігінде Эль-Ниньо құбылысының қалыптасу белгілері байқалғанын хабарлап, елдерді ауа райының өзгеруіне дайын болуға шақырған болатын. Ал 11 маусымда АҚШ-тың Ұлттық мұхиттық және атмосфералық зерттеулер басқармасы Эль-Ниньо құбылысының басталғанын ресми түрде жариялады.
Еуропалық комиссияның Бірлескен зерттеу орталығының 2026-2027 жылдарға арналған болжамынша, Австралия, Оңтүстік-Шығыс Азия, Оңтүстік Африка, Орталық Америка және Үндістанда күшті құрғақшылық болуы ықтимал. Ал Орталық Азияда, керісінше, жауын-шашын мөлшері климаттық нормадан айтарлықтай жоғары болмақ.
Мамандардың айтуынша, егер мұхит бетінің температурасы 2,5-3 градус Цельсийден жоғары көтерілетін Супер Эль-Ниньо қалыптасса, өңірдегі жауын-шашын көлемі әдеттегі Эль-Ниньо кезеңімен салыстырғанда да айтарлықтай артуы мүмкін.
Болжам бойынша, тамыз айына дейін Орталық Азияда жауын-шашын мөлшері көпжылдық нормаға жуық болады. Алайда қараша айына қарай Эль-Ниньо күшейген сайын жауын-шашынның қалыпты деңгейден жоғары болуы ықтимал.
Орталық Азияда қар азайып, жаңбыр көбейеді – климатолог Томас Сакс
Қазақстанның жылынуы жаһандық көрсеткіштен асып түсті – Климат өзгерісі бойынша жобалық кеңсе