Тікелей эфир

2025 жылы Қазақстан облыстары қанша қандас пен қоныс аударушыны қабылдайды

Фото: Информбюро
Фото: Информбюро
Биылға арналған өңірлік квота саны – 9653.

Қандастар мен қоныс аударушыларды қабылдаудың 2025 жылға арналған өңірлік квотасы 9 653 адам деп белгіленді, бұл өткен жылмен салыстырғанда 170 адамға артық, деп хабарлады Еңбек және халықты әлеуметтік қорғау министрлігі.

2025 жылы өңірлік квота облыстар бойынша төмендегідей бөлінді:

  • қандастар үшін: Павлодар облысы – 1 056 адам, Ақмола облысы – 285 адам, Шығыс Қазақстан облысы – 269 адам, Абай облысы – 244 адам, Солтүстік Қазақстан облысы – 175 адам, Қостанай облысы – 150 адам,  Атырау облысы – 100 адам, Батыс Қазақстан облысы – 30 адам;
  • қоныс аударушылар үшін: Павлодар облысы – 3 050 адам, Солтүстік Қазақстан облысы – 2 969 адам, Қостанай облысы – 535 адам, Шығыс Қазақстан облысы – 372 адам, Абай облысы – 255 адам, Ұлытау облысы – 125 адам, Қарағанды облысы – 38 адам.

Оқи отырыңыз: 2025 жылы қандастарға берілетін квота саны азаяды


Қандастар мен қоныс аударушыларға көрсетілетін мемлекеттік қолдау шаралары:

  • көшуге субсидиялар – отбасының әрбір мүшесіне 70 АЕК бойынша біржолғы төлем;
  • 12 ай ішінде бір отбасына 15-тен 30 АЕК-ке дейін төленетін тұрғын үйді жалдау (жалға алу) және коммуналдық қызметтерге ақы төлеу бойынша шығыстарды жабу үшін субсидиялар;
  • 400 АЕК мөлшерінде қоныс аударуға жәрдем көрсететін жұмыс берушілер үшін субсидиялар;
  • қысқа мерзімді кәсіптік оқытуға жолдама;
  • жұмысқа орналасуға немесе кәсіпкерлік бастаманы дамытуға жәрдемдесу;
  • тұрғын үй сатып алуға экономикалық мобильділік сертификаттарын беру.

Оқи отырыңыз: Қазақстанда қандастарды қабылдаудың өңірлік квотасына өзгеріс енгізілді


2024 жылы 19,7 мыңнан астам этникалық қазақ тарихи отанымен табысып, қандас мәртебесін алды.

1991 жылдан бастап 2025 жылғы 1 қаңтар аралығында 1 млн 148 мың астам этникалық қазақ тарихи отанына оралды.

Бұл мақала сізге пайдалы болды ма?
0

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары