2 шілдеде Қазақстанның басым бөлігінде жаңбыр жауып, найзағай ойнайды. Кей өңірлерде нөсер жаңбыр, бұршақ, дауыл және шаңды дауыл күтілсе, шығыс пен оңтүстік-шығыста ауа температурасы +36 градусқа дейін көтеріліп, аптап ыстық сақталады.
"Қазгидрометтің" болжамынша, еліміздің басым бөлігінде атмосфералық фронттардың әсерінен құбылмалы ауа райы сақталады. Көптеген өңірде жаңбыр жауып, найзағай ойнайды. Кей жерлерде қатты жаңбыр, бұршақ түсіп, жел күшейеді. Оңтүстік өңірлерде шаңды дауыл соғуы мүмкін.
Елордада күндіз жаңбыр жауып, найзағай ойнап, желдің күшеюі күтіледі. Ауа температурасы күндіз +28…+30 градус болады.
Алматыда күндіз кей уақытта қатты жаңбыр жауып, найзағай ойнайды, дауыл тұрып, жел екпінді соғады. Күндізгі ауа температурасы +27…+29 градус шамасында болады.
Шымкентте де қысқа мерзімді жаңбыр мен найзағай болжанып отыр. Күндіз ауа +26…+28 градусқа дейін жылиды.
Аптап ыстық елдің шығысы мен оңтүстік-шығысында сақталады. Семейде күндіз ауа температурасы +34…+36 градусқа дейін көтерілсе, Талдықорғанда +33…+35, Өскеменде +32…+34, Павлодарда +31…+33, Түркістанда +30…+32 градус болады.
Оқи отырыңыз: Қазақстандық жасөспірімдерге түнгі уақытта курьер немесе даяшы болып жұмыс істеуге бола ма
Қатты жауын-шашын мен қауіпті құбылыстар Алматы, Жезқазған, Қарағанды, Қонаев, Қостанай, Тараз және Петропавл қалаларында күтіледі. Бұл өңірлерде жаңбырмен қатар бұршақ түсіп, жел күшейеді.
Синоптиктер тұрғындарға ауа райының қолайсыздығына байланысты сақ болуға, найзағай кезінде қауіпсіздік шараларын сақтауға, ал аптап ыстық болатын өңірлерде күннің ең ыстық уақытында ұзақ уақыт сыртта жүрмеуге кеңес береді.