Оқу-ағарту министрлігі Ашық НҚА порталында мемлекеттік бюджет қаражаты есебінен ұсталатын ұйымдардың қызметкерлеріне еңбекақы төлеу жүйесіне өзгерістер енгізуді көздейтін Үкімет қаулысының жобасын жариялады.
Өзгерістер тек мектепке дейінгі тәрбие және оқыту педагогтерінің еңбекақысын арттыруға қатысты. Атап айтқанда, 2023 жылғы 1 қыркүйектен бастап олардың еңбекақысын айқындауда 1,3 мөлшеріндегі түзету коэффициенті қолданылады.
Оқи отырыңыз: БҒМ балабақша тәрбиешілерінің жалақысын екі есе арттыруды көздеп отыр
"Мақсат – педагогтің өмір сүру жағдайларын жақсарту және оның әлеуметтік мәртебесін, сондай-ақ мектепке дейінгі тәрбие мен оқыту мұғалімінің беделін арттыру", – делінген құжаттың түсіндірме жазбасында.
Жобаны жария талқылауға 5 мамырға дейін қатысуға болады.
Оқи отырыңыз:
- Балабақша тәрбиешілері толтыратын құжаттар тізімі қысқарды
- Мемлекет балаларды 2 жастан бастап алатын балабақшаларға қолдау көрсетеді
Еске салайық, 2023 жылғы 1 қаңтардан бастап балабақша тәрбиешілерінің жалақысы 25 пайыз артқан болатын.
