Тікелей эфир

Мемлекет басшысы Жамбыл облысындағы жағдайға байланысты мәлімдеме жасады

Фото Akorda.kz
Фото Akorda.kz
Президент болған оқиғаның себебін анықтау мақсатында Үкіметтік комиссия құруды тапсырды.

Президент Қасым-Жомарт Тоқаевтың Жамбыл облысындағы жағдайға байланысты мәлімдеме жасады, деп хабарлады Ақорданың баспасөз қызметі.

"Бүгін түнде Жамбыл облысы Қордай ауданында жергілікті тұрғындар арасында жаппай төбелес, жанжал болды. Бұл ахуалды арандатушылар өз мақсатына пайдаланды. Өкінішке қарай, бұл оқиға кезінде адам шығыны болды. Мен қаза болған азаматтардың отбасыларына көңіл айтамын. Зардап шеккендердің тезірек сауығып кетуіне тілектеспін. Қазір полиция мен Ұлттық ұлан бұл жағдайды бақылауға алды. Осыған орай, мен Үкімет комиссиясын құруды тапсырдым. Үкімет комиссиясы болған оқиғаның себебін анықтайды", – деді президент.

Мемлекет басшысы қоғамдық тәртіпті бұзғандар анықталып, қатаң жауапқа тартылатын айтты.

"Жамбыл облысы әкімімен бірлесіп, қаза болғандарды жерлеу, зардап шеккендерге көмектесу жұмыстарын ұйымдастырады. Сондай-ақ, жағдайды тұрақтандырумен айналысады. Қоғамдық тәртіпті бұзғандар анықталып, қатаң жауапқа тартылатын болады. Бас прокуратураға, Ұлттық қауіпсіздік комитетіне тиісті тапсырма бердім. Мемлекетіміздің мүддесіне зиян келтіретін, береке-бірлігімізді бұзатын және жалған ақпарат таратқан азаматтар заң алдында жауап береді", – деді Қасым-Жомарт Тоқаев.

Поделиться:

Серіктестер жаңалықтары